သာမန်မြန်မာနိုင်ငံကူးလက်မှတ် အသစ်ထုတ်ပေးရန် လျှောက်ထားရာတွင် ပူးတွဲတင်ပြရမည့် စာရွက်စာတမ်းများနှင့် ကျသင့်ငွေ

• သံရုံးအကြီးအကဲထံသို့ လိပ်မူထားသည့် ကိုယ်တိုင်ရေးလျှောက်လွှာ (မူရင်း)
  (နမူနာကြည့်ရန် - Download) (လျှောက်ထားသူက ကျိုးကြောင်းဖော်ပြလျက် မလိုအပ် သည်များကို ပယ်ဖျက်၍ ပြင်ဆင်ရေးသားပေးရန် မေတ္တာရပ်ခံအပ်ပါသည်။)
• နိုင်ငံကူးလက်မှတ်လျှောက်ထားရာတွင် ရေးသွင်းရမည့်ပုံစံ (မူရင်း) (Download)
• လက်ရှိကိုင်ဆောင်ထားသည့် မြန်မာနိုင်ငံကူးလက်မှတ် (မူရင်းနှင့် မိတ္တူ)
• လက်ရှိနေထိုင်လျက်ရှိသော နိုင်ငံ၏ အစိုးရက ထုတ်ပေးထားသော သက်တမ်းရှိ ပြည်နေထိုင်ခွင့် ကတ် (ကာလာမိတ္တူ)
• (၆) လအတွင်း ရိုက်ကူးထားသော ပတ်စ်ပို့ ကာလာဓာတ်ပုံ ၂ ပုံ (နောက်ခံအဖြူ)
• မြန်မာနိုင်ငံသားဖြစ်ကြောင်း အထောက်အထား (နိုင်ငံသားစိစစ်ရေးကတ် (သို့) ယာဉ်မောင်း လိုင်စင် (မိတ္တူ))
• အိမ်ထောင်စုဇယား (မိတ္တူ)
• နိုင်ငံခြားသားနှင့် အိမ်ထောင်ပြုထားပါက လက်ထပ်စာချုပ် (မိတ္တူ)နှင့် အိမ်ထောင်ဘက်၏ နိုင်ငံကူးလက်မှတ် (သို့) နိုင်ငံသားစိစစ်ရေးကတ် (မိတ္တူ)
• အလုပ်လုပ်ကိုင်နေသူဖြစ်ပါက (အလုပ်လုပ်ကိုင်ခွင့် ပါမစ် (သို့) အလုပ်လုပ်ကိုင်လျက်ရှိ ကြောင်း အထောက်အထား)
• ပညာသင်ကြားနေသူဖြစ်ပါက သက်ဆိုင်ရာ ကျောင်း/ တက္ကသိုလ်သို့ တက်ရောက်လျက်ရှိ ကြောင်း အထောက်အထား (သို့) ကျောင်းသားကတ် (မိတ္တူ)
• ထိုးမြဲလက်မှတ် (လျှောက်လွှာနှင့်အတူ ပူးတွဲပါ သတ်မှတ်ထားသည့် ပုံစံတွင် ထိုးမြဲ လက်မှတ်ကို မှင်စိုအနက်ဖြင့် ထင်ရှားစွာ ရေးထိုးပေးရန် လိုအပ်ပါသည်။)
• သာမန်မြန်မာနိုင်ငံကူးလက်မှတ် အသစ်ထုတ်ပေးရန် ကျသင့်ငွေ ယူရို ၃၅/- ကို ငွေသား (သို့) ချက်လက်မှတ်ဖြင့် ပေးသွင်းရပါမည်။ မြန်မာသံရုံးက ငွေလက်ခံပြေစာ စာရွက်ကို လျှောက်ထားသူထံသို့ ပြန်လည်ပေးအပ်ပါသည်။